PREMYERA Vavilonnıń eń bay adamı

#PREMYERA

🎭Berdaq atındaǵı Qaraqalpaq mámleketlik akademiyalıq muzıkalı teatrında Jorj Samuel Kleyson shıǵarması tiykarında saxnalastırılǵan "Vavilonnıń eń bay adamı" dramasınıń premyerası bolıp ótti. Spektakldı saxnalastırǵan rejissyor hám inscenirovka avtorı - M.Reymov.

Spektakl basında teatr direktorı P.Mamutov saxnaǵa shıǵıp, tamashagóylerdi qutlıqladı hám dóretiwshi jámáátke óziniń minnetdarshılıǵın bildirdi.

Spektaklde pul, baylıq hám insannıń olarǵa bolǵan múnásibeti obrazlı túrde sáwlelendirilgen. Qaharmanlar arqalı miynet, puldı únemlew, aqıl menen jumsaw hám baylıqtıń haqıyqıy bahası haqqında pikir júrgiziledi. Puldıń insan ómirindegi ornı, sonıń menen birge onıń xarakter hám qatnasıqlarǵa tásiri saxnalıq sheshimler arqalı kórsetilgen.

Premyera joqarı dárejede ótip, tamashagóyler tárepinen jıllı kútip alındı. Spektakldıń mazmunı ápiwayı, túsinikli bolıp, tamashagóylerdiń kewlinen orın aldı.

✅Teatrdıń málimleme xızmeti.