"Prokurordıń bir kúni" spektakli
orazbay 18-01-2026, 13:10 7 Новости / Yangiliklar / Жаңалықлар
🎭18-yanvar kúni Berdaq atındaǵı Qaraqalpaq mámleketlik akademiyalıq muzıkalı teatrı saxnasında tamashagóyler itibarına "Prokurordıń bir kúni" atamasındaģı mazmunlı hám tásirli spektakl qoyıp berildi.Bul saxnalıq shıǵarmada jámiyette nızam ústinligi, ádillik hám insan juwapkershiligi sıyaqlı áhmiyetli máseleler kórkem sheshimler arqalı ashıp berildi. Spektakl waqıyaları arqalı bir kún dawamında prokurordıń jumısı, onıń kásiplik minneti, ishki keshirmeleri hám insan táǵdiri aldındaǵı juwapkershiligi tereń hám isenimli túrde sáwlelendirildi. Spektakl tamashagóydi biypárwa qaldırmay, turmıs haqqında pikir júrgiziwge shaqıradı.
Spektakl scenariysiniń avtorı - Dilbar Raxmanova bolıp, ol shıǵarmadaǵı waqıyalardı turmıslıq, ráwan hám tásirsheń usılda jaza alǵan. Saxnalastırıwshı rejissyor, Qaraqalpaqstan Respublikasına xızmet kórsetken artist Marxabay Úsenov bolsa shıǵarmanıń ideyasın saxnada sheberlik penen janlandırıp, hár bir obrazdıń xarakterin anıq hám ayqın ashıp beriwge erisken.
Aktyorlardıń atqarıwı, saxnalıq háreketler, muzıka hám dekoraciyalar spektakldiń ulıwma kórkemlik bahasın jáne de arttırdı. Tamashagóyler oynaǵan obrazlarǵa isenip, waqıyalardı ómirdiń ózinde bolıp atırǵanday qabıl etti.
"Prokurordıń bir kúni" spektakli teatr jámáátiniń dóretiwshilik izlenisleri, zamanagóy temalarǵa múrájat etiwdegi mártligi hám professional sheberliginiń jáne bir ayqın úlgisi sıpatında tamashagóyler tárepinen jıllı kútip alındı.
✅Teatrdıń málimleme xızmeti.
Похожие новости
"Prokurordıń bir kúni" spektakli
19.01.26
---
Xalqımızdıń_qos_juldızı
07.10.25
Новости / Yangiliklar / Жаңалықлар
PREMYERA Súymegenge súykenbe
28.10.25
Новости / Yangiliklar / Жаңалықлар
Mamutov Paraxat Allambergen ulı teatr direktorı
2024- jıl noyabr ayınan baslap Berdaq atındaǵı Qaraqalpaq mámleketlik akademiyalıq muzıkalı teatrı
14.12.24
Teatr direktorlari / Директоры театра / Teatr direktorları
PREMYERA Qanlı toy
05.09.25
Новости / Yangiliklar / Жаңалықлар
