PREMYERA MAKARYA SULÍW
orazbay Сегодня, 12:47 0 Новости / Yangiliklar / Жаңалықлар
🎭Berdaq atındaǵı Qaraqalpaq mámleketlik akademiyalıq muzıkalı teatrı saxnasında Qaraqalpaqstan Respublikasına xızmet kórsetken kórkem óner ǵayratkeri Marqabay Jiemuratovtıń "Makarya sulıw" baleti jáne bir márte kórkem óner ıqlasbentlerin sıyqırlı saxna álemine shaqırıp, tamashagóyler kewlinde tereń tásir qaldırdı. Bul balet Ózbekstan hám Qaraqalpaqstan xalıq shayırı Tilewbergen Jumamuratovtıń usı atamadaǵı poeziyalıq romanı tiykarında jaratılǵan bolıp, onda muhabbat, sadıqlıq hám insanıylıq sezimler názik ayaq oyın háreketleri arqalı sáwlelendiriledi.Balet librettosı avtorları Gawhar Raxmanova hám Sultan Dúysenbaev tárepinen jazılǵan bolıp, shıǵarmanıń saxnadaǵı ómirin jaratıwda dóretiwshilik jámááttiń úlken miyneti jámlengen. Saxnalastırǵan baletmeyster - Qaraqalpaqstan Respublikasına xızmet kórsetken artist Sultan Dúysenbaev. Assistent baletmeyster Qaraqalpaqstan Respublikasına xızmet kórsetken kórkem óner ǵayratkeri Ayjamal Tolegenova da dóretiwshilik processke múnásip úles qostı.
Balettiń muzıkalıq naması Ózbekstan hám Qaraqalpaqstan kórkem óner ǵayratkeri, Berdaq atındaǵı mámleketlik sıylıqtıń laureatı Qurbanbay Zaretdinov hám dirijyor Bayram Otarbaev basshılıǵında jańlap, saxnadaǵı hár bir háreketke ózine tán ruwx baǵıshladı. Saxna bezewleriniń xudojnigi - Qaraqalpaqstan Respublikasına xızmet kórsetken kórkem óner ǵayratkeri Zawqı Saypov bolıp, ol jaratqan saxna ortalıǵı tamashagóydi shıǵarma waqıyaları bolıp atırǵan álemge jetekleydi. Kostyumlar xudojnigi Sarbinaz Daukaraeva bolsa qaharmanlardıń obrazın jáne de ayqın sáwlelendiretuǵın lipaslar jarattı.
Premyeraġa Qaraqalpaqstan Respublikası Mádeniyat ministri B.Temirbaev qatnastı. Sonday-aq, Berdaq atındaǵı Qaraqalpaq mámleketlik akademiyalıq muzıkalı teatrı direktorı P.Mamutov shıǵıp sóylep, bul balet milliy saxna kórkem óneriniń gózzal úlgilerinen biri ekenin, ol xalqımızdıń bay mádeniy miyrası hám kórkem oy-pikirin joqarı dárejede sáwlelendiretuǵının atap ótti.
"Makarya sulıw" baleti názik ayaq oyını, tartımlı muzıka hám tereń kórkem kórinistiń úylesimi menen tamashagóylerdi ózine tarttı. Saxna háreketi, obrazlardıń janlı talqılawı hám dóretiwshilerdiń sheberligi sebepli balet keshesi haqıyqıy kórkem óner bayramına aylandı. Tamashagóyler dóretiwshilik jámááttiń pidákerlik miynetin úlken alǵıslar menen kútip alıp, baletke joqarı baha berdi.
🎭Berdaq nomidagi Qoraqalpoq davlat akademik musiqali teatr sahnasida Qoraqalpogʻiston Respublikasida xizmat koʻrsatgan sanʼat arbobi Marqabay Jiyemuratovning “Makarya sulıw” baleti yana bir bor sanʼat ixlosmandlarini sehrli sahna olamiga chorlab, tomoshabin qalbida chuqur taassurot qoldirdi. Mazkur balet Oʻzbekiston va Qoraqalpogʻiston xalq shoiri Tilewbergen Jumamuratovning shu nomdagi poetik romani asosida yaratilgan bo‘lib, unda muhabbat, sadoqat va insoniy tuygʻular nafis raqs harakatlari orqali ifoda etiladi.
Balet librettosi Gawhar Raxmanova hamda Sultan Duysenbaev tomonidan yozilgan bo‘lib, asarning sahnadagi hayotini yaratishda ijodiy jamoaning katta mehnati mujassam. Sahnalashtirgan baletmeyster – Qoraqalpogʻiston Respublikasida xizmat koʻrsatgan artist Sultan Duysenbaev. Assistent baletmeyster Qoraqalpogʻiston Respublikasida xizmat koʻrsatgan sanʼat arbobi Ayjamal Tolegenova ham ijodiy jarayonga munosib hissa qo‘shdi.
Baletning musiqiy ohangi Oʻzbekiston va Qoraqalpogʻiston sanʼat arbobi, Berdaq nomidagi davlat mukofoti sovrindori Qurbanbay Zaretdinov hamda dirijyor Bayram Otarbaev boshchiligida jaranglab, sahnadagi har bir harakatga o‘ziga xos ruh bagʻishladi. Sahna bezaklari rassomi – Qoraqalpogʻiston Respublikasida xizmat koʻrsatgan sanʼat arbobi Zawqı Saypov bo‘lib, u yaratgan sahna muhiti tomoshabinni asar voqealari kechayotgan olamga yetaklaydi. Kostyumlar rassomi Sarbinaz Daukaraeva esa qahramonlarning obrazini yanada yorqin ifodalovchi liboslar yaratdi.
Premyeraga Qoraqalpog‘iston Respublikasi Madaniyat vaziri B.Temirbayev ishtirok etdi. Shuningdek, Berdaq nomidagi Qoraqalpoq davlat akademik musiqali teatri direktori P.Mamutov so‘zga chiqib, ushbu balet milliy sahna sanʼatining goʻzal namunalaridan biri ekanini, u xalqimizning boy madaniy merosi va badiiy tafakkurini yuksak darajada ifoda etishini taʼkidladi.
“Makarya sulıw” baleti nafis raqs, jozibali musiqa va chuqur badiiy ifodaning uygʻunligi bilan tomoshabinlarni o‘ziga rom etdi. Sahna harakati, obrazlarning jonli talqini va ijodkorlarning mahorati tufayli balet kechasi haqiqiy sanʼat bayramiga aylandi. Tomoshabinlar ijodiy jamoaning fidokorona mehnatini katta olqishlar bilan qarshi olib, baletga yuksak baho berdilar.
✅Teatrdıń málimleme xızmeti.
Похожие новости
PREMYERA NAZLÍMXAN SULÍW BALETI
01.07.25
Новости / Yangiliklar / Жаңалықлар
Xalqımızdıń_qos_juldızı
07.10.25
Новости / Yangiliklar / Жаңалықлар
PREMYERA MUHABBAT_QOSÍǴÍ
23.01.26
Новости / Yangiliklar / Жаңалықлар
PREMYERA Súymegenge súykenbe
28.10.25
Новости / Yangiliklar / Жаңалықлар
Qurbanbay Zaretdinovtıń YUBILEY KESHESI
25.02.26
Новости / Yangiliklar / Жаңалықлар
