Аллаяр Досназаров 125-жаста

       Усы жыл 8-май күни Бердақ атындағы Қарақалпақ мәмлекетлик академиялық музыкалы театрында белгили мәмлекетлик ҳәм жәмийетлик ғайраткер Аллаяр Қораз улы Досназаровтың 125-жасқа толыўы мүнәсибети менен «А.Досназаров ҳәм Қарақалпақстанның жаңа тарийхы» атамасындағы республикалық илимий-теориялық конференция болып өтти.

        Конференцияға Өзбекстан Республикасы Олий Мажлиси Сенатының ағзалары, Қарақалпақстан Республикасы Жоқарғы Кеңесиниң депутатлары, ҳүкимет ағзалары, Қазахстан Республикасының Алма-ата қаласы Қарақалпақ миллий-мәдений орайы ҳәм Ақтаў қаласындағы «Аллаяр жолы» Қарақалпақ миллий-мәдений орайы ўәкиллери, министрлик ҳәм мәкемелер басшылары, республикамызға белгили илимпазлар, жазыўшы-шайырлар, Аллаяр Досназаровтың урпақлары, кеӊ жәмийетшилик ҳәмде ғалаба хабар қураллары ўәкиллери қатнасты.

        Конференция қатнасыўшылары Аллаяр Досназаровтың өмири, мийнет жолы, оның репрессияға ушыраўы ҳәм ақланыўы ҳаққындағы жаңа мағлыўматларға ийе болды. Сондай­‑ақ, баянатшылар тәрепинен Аллаяр Досназаровтың атын мәңгилестириў бойынша бир қатар усыныслар киритилди.