Gulsara Jumaniyazovanıń yubiley keshesi
orazbay 23-05-2025, 18:05 13 Новости / Yangiliklar / Жаңалықлар
#YUBILEY_KESHESI 🎭Saxna - júregim, dóretiwshilik - ómirim.
Gúlsara Jumaniyazovanıń 60 jıllıq kórkem ónerge baǵıshlanǵan ómiri
Qaraqalpaqstan Respublikasına xızmet kórsetken artist, "Doslıq" ordeni hám "Mádeniyat hám kórkem óner pidayısı" kókirek belgisiniń iyesi Gúlsara Qarajanovna Jumaniyazovanıń 60 jıllıq yubileyi - bul saxnaǵa, dóretiwshilikke, tamashagóyge jıllar dawamında baǵıshlanǵan ómir kórinisi.
Ol saxnanı tek kásip dep emes, júreginiń bir bólegi dep biledi. Hár bir obrazǵa jan berip, onıń sezimlerin, dártlerin, quwanıshların tamashagóy júregine jetkeredi. "Ínjıqtıń muhabbatı" komediyasında Ayjamal, "Edige" dramasında Qarashash, "Úsh boydaq"ta Kunsulıw, "Jetinshi papam"da Inkar, "Ótken kúnler"de Jánnet, "Iyman"da Aysha, "Gúl almaǵan gózzallar"da Zuhra, "Men, kempir apam, Iliko hám Illarion"da Marta apa, "Perzent táshwishi"de Perdegúl sıyaqlı roller - ol atqarǵan umıtılmas obrazlar qatarınan múnásip orın iyelegen.
Dóretiwshi retinde Gúlsara apa saxna arqalı júregin sóylete aldı. Tamashagóy júreklerin lárzege keltirgen rolleri, saxnadaǵı pák energiyası, sózsiz kóz arqalı jetkerilgen sezimleri - bulardıń hámmesi onıń kórkem ónerge bolǵan muhabbatı qanshelli tereń ekenin kórsetedi.
60 jıl - bul tek ǵana jas emes, bul ómirdiń eń saylandı betleri, pidayılıq penen ótken qızǵın dóretiwshilik jılları.
Yubileyińiz múbárek bolsın, Gúlsara apa! Dóretiwshiligińiz dawamlı, muhabbatıńız máńgi bolsın!
✅Teatrdıń málimleme xızmeti.
✉️ 👉@Krteatr,
🌐 👉https://berdax-teatr.uz/
Похожие новости
Mamutov Paraxat Allambergen ulı teatr direktorı
2024- jıl noyabr ayınan baslap Berdaq atındaǵı Qaraqalpaq mámleketlik akademiyalıq muzıkalı teatrı
14.12.24
Teatr direktorlari / Директоры театра / Teatr direktorları
#SÍYLÍQLAW ALǴÍS_2024
23.01.25
Новости / Yangiliklar / News and events / Жаңалықлар
#YUBILEY_KESHESI Báwetdin Baymurzaev 70-jasta
11.01.25
Новости / Yangiliklar / News and events / Жаңалықлар
Davletmuratova Tamara Turdimuratovna
1999-2005 годы Министр культуры Республики Каракалпакстан
31.03.22
Ministers of Culture of the RK / QR Mádeniyat ministrleri / Министры культуры РК / QR Madaniyat vazirlari
студент жаслар менен ушырасыў кешеси
27.10.23
Новости / Yangiliklar / Жаңалықлар
