«Úsh áwlad ushırasıwı»

🎭2022-jıl 4-noyabr kúni Qaraqalpaqstan Respublikası málimleme-kitapxana orayında «Infolib Ózbekstan – 2022» XI Milliy málimleme kitapxana hápteligi sheńberinde Berdaq atındaǵı Qaraqalpaq mámleketlik akademiyalıq sazlı teatrınıń belgili aktyorları menen «Úsh áwlad ushırasıwı» atamasında ushırasıw keshesi bolıp ótti.

Keshege Qaraqalpaqstan xalıq artisti, Ózbekstanǵa xızmet kórsetken artist Ómirbay Qosımbetov, Xor artistleri Baǵdad Abıllaev, Islambek Mahammediyarov hám Ózbekstan mámleketlik kórkem óner hám mádeniyat institutı Nókis filialı mádeniyat hám kitapxana iskerligi kafedrası docenti wazıypasın waqtınsha atqarıwshı Gulbahar Eshbaeva hám usı institut student jasları qatnastı.

Ómirbay Qosımbetov qolına duwtar alıp qaraqalpaq qosıqlarınan aytıp berip keshege ózgeshe bir zawıq baǵıshladı, óz gezeginde Baǵdad Abıllaev penen Islambek Mahammediyarlarda ózlerininiń dóretiwshiliginen qosıqlar aytıp berdi.

👉   @Krteatr,   👉 https://berdax-teatr.uz