Германиялы Мартин Петрих мийманда

🎭 16-февраль күни Бердақ атындағы Қарақалпақ мәмлекетлик академиялық музыкалы театрында  Германия Халық аралық бирге ислесиӯ шөлкеми ағзасы Мартин Петрих мийманда болды.

Мийманды Қарақалпақстан Республикасы мәденият ҳәм туризм министрлиги қәнийгеси Икрамбек Розимбетов ҳәм театр администрациясы күтип алды.

         Мартин Петрих театр актёрларының дөретиӯшилик жумыслары, тамашагөйлер залы, тарийхый театр музейи менен танысты ҳәм сахна декорацияларын тамашалады.

Сондай-ақ, оның менен театр актёрлары ҳәм Бердақ атындағы Қарақалпақ мәмлекетлик университетиниң Туризм хәм Гид қәнийгелигинде билим алып атырған студент жаслары арасында ушырасыӯы болып өтти.

Оның Қарақалпақстанға келгендеги мақсети, Германия халық аралық бирге шөлкеми менен Қарақалпақстанның мәдений мийрасларын сақлаӯ ҳәм туризмди раӯажландырыӯ бойынша бирге ислесиӯди жолға қойыӯ ҳәмде усы мәселелер бойынша семинар өткериӯ режелестирилген.

   👉   @Krteatr, https://berdax-teatr.uz/