«Интилганга толе ёр» спектакли

    «Интилганга толе ёр» спектаклига аннотация (драма)

Муаллиф  Полат Айтмуратов

Спектакль бадиий рахбари Нажиматдин Ансатбаев

Сахналаштурувчи режиссёр Жалгасбай Султабаев

Рассом           Барлыкбай Айтмуратов

Спектакль 1 соат 20 минут давом этади.

Спектаклда аспирантурани битирган Турдибойнинг фермер бўлиш, қишлоқни ривожлантириш, қишлоқдошларининг турмиш тарзини яхшилаш нияти бор. Бу орада Чинибек исмли қишлоқ одами унинг йўлига туғонақ бўлади. У Турдибойнинг отаси Оловиддиннинг соддалигидан фойдаланиб, бу иш Турдибойнинг қўлидан келмаслигини қайта-қайта таъкидлайверади. Турдибой ер олишда, фермер хўжалигини  йўлга қўйишда анча қийинчиликка дуч келади.  Ерни олиб бўлгач ҳам қийинчиликлар уни тарк этмайди. Ерга энди деҳқончилик қила бошлаганда, Чинибекнинг ҳамтовоғи Кенжабой унинг пахтазорини сувга тўлдириб, буғдойларини вайрон қилади. Аммо, қишлоқнинг Яна бир оқсоқоли, тадбирли деҳқон Нурилла отанинг сайи ҳаракатлари билан пахтазор сақланиб қолади. 

Турдибой фермер хўжалигини йўлга қуйиб олгач, қишлоқда замонавий типдаги уй қуради. Уйни эгаларига топшириш маросимида туман ҳокими келиб, ҳаммани табриклайди. Шу орада Турдибойнинг қайнонаси келиб, уларга ноўрин азоб берганидан пушаймон эканини айтади ва Ширинни Турдибойга  беради.

Спектакль шаҳарда яшашни истаб юрган айрим ёшларимизга урнак бўладиган, уларни меҳнатсеварликка, иродалиликка ўргатадиган тарбиявий аҳамиятга эгадир. Шунингдек, мазкур асарда мустақиллик йилларида мамлакатимизда амалга оширилаётган ислоҳотлар, тадбиркор ва фермерларга яратилаётган кенг имкониятлар, қишлоқ аҳолисининг турмуш тарзини фаровон қилиш борасида қилинаётган ишлар хусисида сўз боради.