Әндижанда Қарақалпақстан Республикасы мәденият күнлери

Әндижанда  мәденият күнлери 

24 июнь күни Әндижан областы мәденият басқармасы ҳәм  Әндижан областы музыкалы драма театры жәмәәти тәрепинен Қарақалпақстан Республикасы “Мәденият күнлери” илажларында қатнасыӯ ушын барған Қарақалпақстан Республикасы көркем өнер хызметкерлери салтанатлы түрде күтип алынды.

Концертте Өзбекстан ҳәм Қарақалпақстанда хызмет көрсеткен артист Элиза Айтниязова, Өзбекстанда хызмет көрсеткен мәденият хызметкери, Қарақалпақстанда хызмет көрсеткен  артист Сададдин Сапаев, Қарақалпақстанда хызмет көрсеткен  артистлер Дәрибай Хожабергенов, Баҳадыр Разымбетов, Бахтияр Жуматаев, “Ниҳол” сыйлығының лауретлары Мухаммед Төребеков, Шыраз Турсынбаев ҳәм Жанар Төреева, Өзбекстан мәмлекетлик филармониясы Қарақалпақстан Республикасы бөлими қосықшысы Гәӯҳар Саитова, “Айқулаш” Қарақалпақ мәмлекетлик миллий фольклор ансамблиниң қосықшысы Мақсет Хожасов, Бердақ атындағы Қарақалпақ мәмлекетлик академиялық музыкалы театрының артистлери Диларам Нурыллаева, Сарбиназ Сейтова, Мадияр Бекполатов, Жәнибек Бекжанов тәрепинен атқарылған қосықлар ҳәм театрдың балет артистлери орынланған аяқ ойынлары тамашагөйлердиң кеӯлинен орын алды.