Кеӯил билдириӯ

#Кеӯил_билдириӯ

 Қарақалпақстанда хызмет көрсеткен мәденият хызметкери, Бердақ атындағы Қарақалпақ мәмлекетлик академиялық музыкалы театры директорының орынбасары Мамбеткаримов Жолдасбай Тажибаевич 65 жасында дүньядан өтти.

Жолдасбай Мамбеткаримов 1957 жылдың 16 ноябринде Қарақалпақстан Республикасы, Шымбай районында туӯылған. Ол 1994 жылдан баслап Қарақалпақ мәмлекетлик академиялық музыкалы театрында администратор, 1994-2009 жыллары бас администратор, 2009-2013-жыллары театрдың тамашагөйлер бойынша директорының орынбасары, 2013-2014-жыллары бас администратор ҳәм 2014-2022-жыллары театрдың директорының орынбасары лаӯазымларында пидәйылық пенен мийнет етти. 

 Жолдасбай Мамбеткаримов өзбек ҳәм қарақалпақ көркем өнериниң раӯажланыӯына үлкен үлесин қосты. Оның жарқын келбети қәлбимизде ҳәмме ӯақытта сақланып қалады.

Бердақ атындағы Қарақалпақ мәмлекетлик академиялық музыкалы театры жәмәәти Жолдасбай Мамбеткаримовтың мезгилсиз қайтыс болыўына байланыслы марҳумның шаңарақ ағзалары ҳәм ағайын-туӯысқанларына терең қайғырыў менен кеўил билдиремиз.

 Мағлыӯмат ушын: Жолдасбай Мамбеткаримов усы жылдың 10 июль күни дүньядан өтти.