Айтниязова Шарипа - Скрипка

Бердақ номидаги Қорақалпоқ давлат академик мусиқали

 театри оркестр артисти

Айтниязова Шарипа Пирниязовна 

Умимий меҳнат фаолияти 14 йил. Ушбу лавозимда 2006 йилдан буён фаолият кўрсатиб келмоқда. Маълумоти ўрта-махсус. Нукус давлат маданият ва саньат коллежини тугаткан. 

У меҳнат фаолиятини 2000 йил Нукус шаҳри 2-сонли мусиқа мактабида ўқитувчи бўлиб ишлашдан бошлади. У симфоник оркестр жамоаси билан бирга Республика миқёсида ўтказиладиган байрам концертларида, юбилей кечаларига бағишланган концертларда иштирок этиш билан бирга, театрда сахналаштирилган барча мусиқали спектаклларда «Ўжарлар» (О.Абдирахманов), «Алпомиш» (Н.Даўқараев), “Қизинг ор номусинг” (А.Отениязова), “Ёр висоли”(К.Рахманов), “Қизиқчилар касалхонада” (К.Рахманов) “Тумариc” (Қ.Заретдинов), “Ажиниёз” операсида, “Айжамал”, “Қирққиз” балетида, “Бердак”, “Едиге” ва бошқада спектаклларда симфоник оркестр билан иштирок этиб келади. 

Ушбу йиллар ичида Республикамизда ўтказилган барча байрам тадбирларининг, концертларнинг, юбилей кечаларнинг, Ўзбекистон Республикаси Мустақиллик кунига, «Наврўз» умумхалқ байрамларининг фаол иштирокчиси.

 2013 йил театр жамоасининг Тошкент шаҳрида ўтказилган гастроль сафарларида,  2016 йил Тошкент шаҳри А.Навоий номидаги Ўзбекистон давлат катта театрида “Ажинияз”, “Тумарис” опералари, “Ассалом-Тошкент оқшоми” симфоник оркестри концерти билан қатнашиб томошабинларнинг ва мутахасисстларнинг олқишига сазовор бўлди.

Шунингдек у симфоник оркестр жамоаси билан Республикамизнинг чеккақишлоқларида, туманларида ўқувчи ёшларга, талабаларга ва “Меҳрийбанлик уйи” болаларига бориб концертлар ташкил этиб, миллий бастакорларимиз мусиқаларидан, жаҳон классик мусиқаларидан концертлар кўрсатиб, уларга завқ боғишлаб келади.

Ш. Айтниязова барча жамоа ишларига фаол қатнашади. У театр жамоаси орасида ҳурматга эга.