Данияров Қуўатбай (1959-2009)

Бердақ атындағы Қарақалпақ мәмлекетлик академиялық музыкалы театры вокал театр артисти Данияров Қуўатбай Балташович

(1959-2009)

        Қуўатбай Данияров 1959-жылы Кегейли районында туўылған.  1976-жылы орта мектепти питкерип Нөкис медициналық училищесине тапсырады, 1978-1980-жыллары Кегейли районынында фельдшер болып жумыс ислейди. 1980-1985-жыллары Ташкент мәмлекетлик театр ҳәм сүўретшилик өнери институтында актерлық бөлиминде оқыйды. Институты питкерип келгеннен соң, 1985-жылдан өмириниң ақырына шекем Бердақ атындағы Қарақалпақ мәмлекетлик академиялық музыкалы театрында актер болып иследи.

        Ол театрда ҳәр қыйлы характердеги, ҳәр қыйлы жанрдағы образлар дөретти. Солардан: И.Юсупов, Н.Мухаммеддиновлардың «Әжинияз» операсында Пирим бий, А.Уталиевтың «Ерназар Алакоз» драмасында Баба, М.Нызанов «Еки дуньяның әўереси» комедиясында Адам ата,  Ш.Алимовтың «Хожа Насретдин өлмейжақ» комедиясында Акбар, А.Қаххардың «Табыттан шыққан даўыс»комедиясында Юсуп, К.Рахмановтың «Лаққылар емлеўханада» комедиясында Нурмаш, Н.Даўқараевтың «Алпамыс» музыкалы драмасында Қаражан қусаған   образлары тамашагөйлер жүрегинен орын алды.

        «Қарақалпақфильм» студиясы тәрепинен сүўретке түсирилген «Курорт» көркем фильминдеги роли оның соңғы дөретпеси болып қалды. 2009-жылы 29-ноябрь куни қайтыс болды.