Ферғана қаласында

      Ферғана қаласында Қарақалпақстан Республикасы

 мәденият күнлери

 Өзбекстан Республикасы Президентиниң 2022-жыл 2-февралдағы “Мәденият ҳәм көркем өнер тараӯын жәнеде раӯажландырыӯға байланыслы қосымша ис-илажлары ҳаққында”ғы 112-санлы Пәрманы талапларын орынлаӯ мақсетинде, 25 июнь күни Ферғана областы И.Каримов атындағы театр ҳәм концерт залында Қарақалпақстан Республикасы “Мәденият күнлери”не бағышланған концерт бағдарламасы Ферғана пайтақты халқына инам етилди. 

Концертте Өзбекстан ҳәм Қарақалпақстанда хызмет көрсеткен артист Элиза Айтниязова, Өзбекстанда хызмет көрсеткен мәденият хызметкери, Қарақалпақстанда хызмет көрсеткен  артист Сададдин Сапаев, Қарақалпақстанда хызмет көрсеткен  артистлер Дәрибай Хожабергенов, Баҳадыр Разымбетов, Бахтияр Жуматаев, “Ниҳол” сыйлығының лауретлары Мухаммед Төребеков, Шыраз Турсынбаев ҳәм Жанар Төреева, “Айқулаш” Қарақалпақ мәмлекетлик миллий фольклор ансамблиниң қосықшысы Мақсет Хожасов, Бердақ атындағы Қарақалпақ мәмлекетлик академиялық музыкалы театрының артистлери Диларам Нурыллаева, Сарбиназ Сейтова, Мадияр Бекполатов, Жәнибек Бекжанов тәрепинен атқарылған қосықлар ҳәм театрдың балет артистлери орынланған аяқ ойынлары тамашагөйлердиң кеӯлинен орын алды.