Адабий бўлими бошлиғи - Рахманова Гаўҳар Кеңесбаевна

Бердақ номидаги Қорақалпоқдавлат

академик мусиқали театрининг

Адабий бўлими бошлиғи

Рахманова Гаўҳар Кеңесбаевна

1970 йили тўғилган. 1993 йили Тошкент давлат санъат институтини тамомлаган. Мутахассислиги театршунос. 1987-1988йй.-Қорақалпоғистон Республикаси улкашунослик музейи ходими. 1988-1993йй. - Тошкент давлат санъат институти талабаси. 1993-1995йй. - Ўзбекистон Фанлар академияси Қорақалпоғистон бўлими тарийх, археология, этнография институти кичик илмий ходими. 1995-1998йй. - Ўзбекистон Фанлар академияси Қорақалпоғистон бўлими тарийх, археология, этнография институти аспиранти. 1999-2001йй. - Қорақалпоқ давлат куғирчоқ театри адабий эмакдоши. 2001й. – ҳ.в. - Бердақ номидаги Қорақалпоқ давлат академик мусиқали театрининг адабий эмакдоши.

1993-йили унинг биринчи катта иши Бердақнинг «Шежира» дастонини ўзбек тилига таржима қилиб «Тошкент оқшоми» газетасида чоп этилган. Театр у таржима қилган асарлар: Х.Мухаммаднинг «Ҳунар урганган бола» эртак спектакли, Қ.Нарқабилнинг “Нур сояда қолмайди” драмаси, «Гул олмаган гўзаллар» комедияси, Н.Аббосхоннинг “Танҳо юлдуз” лирик комедияси, Н.Хашимовнинг «Ризолат қурбонлари» драмаси, И.Султоннинг «Имон» драмалари томошабинларга ҳавола этилиб, энг яхши таржима асарлар деб топилди. 

“Нур сояда қолмайди” спектакли 2013 йили Тошкент шаҳрида ўтказилган “Сени куйлаймиз, замондаш” Республика кўрик фестивалида III-ўрин олишга муяссар бўлдилар.

Унинг Ўзбекистон ва Қорақалпоғистон халқ артисти, Бердақ номидаги давлат мукофоти совриндори, марҳум режиссёр ва актёр Қ.Абдреймов ижоди ва ҳаётига бағишланган «Халқи севган Қуўатбай» номли китоби ва Бердақ номидаги Қорақалпоқ давлат академик мусиқали театрининг 90 йиллик юбилей муносабати билан тайёрлаган китоблари- Қорақалпоғистон Билим нашриётидан чоп этилиб, мутахассислар томонидан юқори баҳосин олди. 

Қорақалпоғистон Республикаси Жўқорғи Кенгаши, Ўзбекистон Республикаси Маданият вазирлиги, Қорақалпоғистон Республикаси касаба уюшмалар бирлашмаси Кенгаши «Фахрий ёрлиқ» лари билан мукофотланган.