Қалимбетова Амина Бердимуратовна

Бердақ номидаги Қорақалпок давлат академик 

мусиқали театри вокал артисти

Қалимбетова Амина Бердимуратовна

  Маълумоти олий. Ушбу вазифада 1993 йилдан буён ишлаб келмоқда.

А.Қалимбетова ўз ижодий фаолияти давомида 30дан ортиқ турли характердаги ролларни ижро этган. Улардан «Чол кампирнинг эркаси»да Индира, «Қўшнинг қизи» да Илаҳийда, «Уч буйдоқ»да Айсулу, «Ёввойи гуллар» да Айгул, «Бадууа» да Фарийзад, «Адолатга қиёнат» да Гульнар, «Урушга налат» да Карийма,  «Кулма менга»да қотини, «Энага»да Малика, «Суймаганга суйканма»да Гулзада,  «Қимбатга тушган муҳаббат»да Муҳаббат, «Кечиккан муҳаббат»да Меҳрийбан, «Ужарлар»да Замира,  «Ёр висоли»да қўшни қотин, “Нур сояда қолмайди”да Шабнам каби образлари орқали тамошабинлар кўнглидан жой олиб мутахассислар этиборига тушди.

У «Қорақалпоқфильм» киностудиясида олинган «Уғри», «Қўшнилар», «Курорт» фильмларида ижобий ва салбий характердаги кишилар ролларини ижро этди.

Республика миқёсида ўтказиладиган Мустақиллик, Наврўз умумхалқ байрамлари тамошалари ва бошқа оммавий-маданий тадбирларда фаол иштирок этиб келмокда. Шунингдек 2000 йил Тошкент шаҳрида ўтказилган Қорақалпоғистон Республикаси маданият ва адабиёти  кунларида, 2001 йил Хоразм вилоятида ўтказилган Қорақалпоғистон Республикаси маданияти ва адабиёти кунлари иштирокчиси.

2013 йил Тошкент шаҳрида театр жамоаси билан гастрол сафарида бўлиб “Алпомиш”, “Интилганга толе ёр”, “Келин” спектаклларида роллар ижро этти. Шунингдек ушбу йили “Сизни куйлаймиз замондаш” деб номланган Республика театрларининг I-II-фестивалларининг иштирокчиси. 

2018 йил февралда Тошкент шаҳрида “Навруз” ўмумхалқ  байрами, Қашқадарьё вилояти Шахрисабз шаҳрида бўлиб ўтган Халқаро “Мақом”бадиий санъати фестивалида  гастрол сафарларида театр жамоаси билан қатнашиб қайтди.