вокал артисти Пирлешова Жузимугул Жанабаевна

Бердақ номидаги Қорақалпок давлат академик

 мусиқали театри вокал артисти

Пирлешова Жузимугул Жанабаевна

  Мазкур вазифада 1993 йилдан буён ишлаб келмоқда. Маълумоти олий.

Ж.Пирлешова ўз ижодий фаолияти давомида 30дан ортиқ турли характердаги ролларни ижро этиб, улардан «Инжиқнинг муҳаббати»да Айжамал, «Ота тағдири» да Зухра, «Уч буйдоқ»да Жансулу, «Ёввойи гуллар» да Айгул, «Бадууа» да Фарийзад, «Урушга налат» да Карийма,  «Суймаганга суйканма»да Ажар,  «Қимбатга тушган муҳаббат»да Муҳаббат, «Кечиккан муҳаббат»да Меҳрийбан, “Энг сулу келинчак”да Мадина, «Ужарлар»да Замира,  «Ёр висоли»да қўшни қотин, “Нур сояда қолмайди”да Ирина Андреевна, “Саховот боғи”да Рысгул каби образлари орқали томошабинлар кўнглидан жой олиб мутахассислар этиборига тушди. У байрамларда сахналаштириладиган “Совға” театрлаштирилган Шоу спектаклларида фаол иштирок этиб, ассистент режиссёрлик қилиб келади. Интермедияларда характерли роллари билан томошабинлар кўнгилларидан чиқиб келмоқда.

У «Қорақалпоқфильм» киностудиясида олинган «Уғри», «Қўшнилар», «Курорт» фильмларида ижобий ва салбий характердаги ролларини ижро этди.

Республика миқёсида ўтказиладиган Мустақиллик, Наврўз умумхалқ байрамлари тамошалари ва бошқа оммавий-маданий тадбирларда фаол иштирок этиб келмокда. Шунингдек 2000 йил Тошкент шаҳрида ўтказилган Қорақалпоғистон Республикаси маданият ва адабиёти  кунларида, 2001 йил Хоразм областида ўтказилган Қорақалпоғистон Республикаси маданияти ва адабиёти кунлари иштирокчиси.

2013 йил Тошкент шаҳрида театр жамоаси билан гастрол сафарида бўлиб “Алпомиш”, “Интилганга толе ёр”, “Келин” спектаклларида роллар ижро этди. Шунингдек 2013 йил “Сизни куйлаймиз замондаш” Республика театрларининг I-II-фестиваллари, 2018 йили Қашқадарьё вилояти Шахрисабз шаҳрида бўлиб ўтган Халқаро “Мақом”бадиий санъати фестивали,   2018 йил Хорезм вилоятида “Гул олмаган гузаллар” спектакли билан гастрол сафарларига театр жамоаси билан қатнашиб қайтди.